Қытайға арналған батареялы Volkswagen-нің сипаттамасы белгілі болды

Volkswagen концерні жаңа электрокарын нарыққа шығаруға дайындалып жатыр. Седан ID. Unyx топтамасындағы қазір сатылып жатқан кросс-купеден кейінгі екінші модель. Көлік жаңа платформаға негізделген деген болжам бар, сондықтан саудаға шығатын мерзімі келер жылға шегерілді.

Volkswagen ID. Unyx 07-нің алғашқы суреттерін Қытай өнеркәсіп министрлігі жариялады. Суреттен седанның сырт келбеті толық көрініп тұр. Ол ID. Unyx 06 кросс-купесіне ұқсайды. Екеуін тек шанағынан ажыратасыз.

Сертификат фотоларынан кейін ресми суреттері де тарады, бірақ интерьер архитектурасы әзірге белгісіз. Бір фотодан ID. Unyx 07 рөлінің үстіңгі жағы түзу екені байқалады. Екі модельдің экстерьерінен гөрі салонында айырмашылық көбірек болатын сияқты.

Седан кросс-купеден шамамен 200 мм ұзын. Өлшемдері — 4853×1852×1566 мм, дөңгелек базасы — 2826 мм, дискілері — 19 немесе 20 дюйм. Әзірге тек моножетекті модификация сертификат алды. Оның электромоторы 231 ат күшін береді, бірақ кейін ID. Unyx 07-нің екі моторлы нұсқасы шығады. Литий-темір-фосфат аккумуляторды CATL компаниясы жеткізеді.

Автомобиль Volkswagen Anhui зауытында жасалады. Болашақта Unyx топтамасы бес модельден тұрады. Алдын ала мәлімет бойынша жолда жүрген кроссоверден басқа барлық электрокар Volkswagen мен Xpeng бірлесіп әзірлеп жатқан CEA (China Electrical Architecture) платформасына негізделеді.