Қытайдың екі пикабы Алматыда жасалады

Биыл Қазақстанда құрастырылатын Қытай көліктерінің қатары екі модельмен толығады. Бұл жолы әдеттегі кроссовер емес, пикаптар туралы сөз болып отыр. «Астана Моторс» баспасөз қызметі хабарлағандай, конвейерге GWM Wingle 7 және Poer тұрады. Екеуі де Қазақстанда бұрыннан бар, Poer-дің жаңарған нұсқасы биыл мамырда шықты.

Пикаптарды Hyundai-нің Алматыдағы зауыты құрастырады. Бұл — Hyundai брендінің негізгі топтамасын шығаратын кәсіпорын емес, Golden Dragon автобустары мен Foton жүк көліктері сияқты коммерциялық техника жасайтын Hyundai Trans Almaty зауыты.

Өндіріс биыл IV тоқсанда басталады. Болашақта топтама кеңейеді.

1 / 5

• 
• 
• 
• 
• 

GWM Poer

GWM Poer

GWM Poer

GWM Poer

GWM Poer

1 / 5

Poer — ұзындығы 5.4 метр, дөңгелек базасы 3.2 метр, шанағы 1.5 метр болатын автомобиль. Капоты астында 218 ат күшіне ие (380 Нм) 2 литрлік бензинді турбомотор тұр. Ол 8 сатылы автоматпен, төмен берілісі және артқы дифференциалды бұғаттау мүмкіндігі бар тұрақты толық жетек жүйесімен жұптаса жұмыс істейді. Материал жарияланған сәтте жалғыз комплектацияның бағасы 17.2 млн теңге болды.

1 / 5

• 
• 
• 
• 
• 

GWM Wingle 7

GWM Wingle 7

GWM Wingle 7

GWM Wingle 7

GWM Wingle 7

1 / 5

Wingle 7 нұсқасына қарай 12.5-14 млн теңге тұрады. Үш комплектацияның алғашқы екеуі 2.4 литрлік (149 а.к.; 220 Нм) атмосфералы бензинді мотор, 5 сатылы механика және толық жетек жүйесімен жабдықталған. Үшіншісі — 143 ат күшіне ие (315 Нм) 2 литрлік турбодизельмен және 6 сатылы механикамен жүреді. Пикап толық жетекті. Poer мен Wingle 7-нің ұзындығы — 5.41 және 5.39 м, соңғысының дөңгелек базасы ұзын (3.35 м), шанағы 1.7 метрге жетеді.