Қытайда жаңа Toyota RAV4 қанша тұрады

Toyota Гуанчжоу автокөрмесінде Қытай нарығына арналған алтыншы буындағы RAV4-ті көрсетті. Кроссовердің әлемдік тұсаукесері биыл мамырда өткен.

1 / 10

GAC-Toyota ұсынған Wildlander

1 / 10

Автомобильді екі нұсқасы — Toyota FAW концернімен бірге шығарған RAV4 және GAC-пен бірге әзірлеген Wildlander моделі жарық көрді.

FAW-Toyota құрастырған RAV4-тің сырт пішіні АҚШ нарығына арналған Adventure моделін еске салады, ал GAC-Toyota ұсынған Wildlander әлемдік нарыққа арналған алтыншы буын өкіліне көбірек ұқсайды. Агрессивті RAV4 GR Sport Қытайда жасала ма, жоқ па, белгісіз.

1 / 6

FAW-Toyota ұсынған RAV4

1 / 6

Кроссовердің агрегат гаммасы 171 ат күшіне ие 2 литрлік атмосфералы қозғалтқыш, 2.0 және 2.5 литрлік моторға негізделген (қуаты 236 ат күшіне жетеді) екі гибрид (HEV) құрылымды қамтиды. Машинаның алдыңғы жетекті және артқы осьте жеке электромоторы бар толық жетекті түрі жарық көреді. Толыққанды қосылатын гибрид (PHEV) кейінірек конвейерге тұрады.

Қытайлық RAV4-тің салонында отандық бағдарламалық жасақтамамен жұмыс істейтін мультимедиа жүйесінің 15.6 дюймдік ірі дисплейі назар аудартады. Екінші көліктегі медиажүйе экраны 12.9 дюймнен аспайды. Қытайлық көліктегі аспаптар панелінің диагоналі 12.3 емес, 8.8 дюйм.

1 / 7

В Нью-Йорке будут наказывать водителей установкой ограничителя скорости

1 / 7

Жабдықтар тізімінде панорамалы люк, жартылай анилинді былғарымен қапталған орындық, көп функциялы шынтақтіреуіш, екі аймақты климат-бақылау, бет-әлпетті тану жүйесі, дауыспен басқару функциясы және т.б. бар.

Компания Toyota RAV4 пен Wildlander-ге тапсырыс қабылдап жатыр. Екі автомобильдің де бағасы 169 800 юаньнан басталады. Бірақ ең жоғары құны әртүрлі: FAW нұсқасы — 228 800 юань, GAC нұсқасы — 230 800 юань. Теңгеге шаққанда 12.4–16.8 млн шамасында.

Қазақстанда бесінші буындағы RAV4-ті 21 млн теңгеге аласыз. Ал ең үздік түрленім 25.7 млн теңге тұрады.

Комментариев: 0