Қытайда жаңа Geely Emgrand-тың бағасы белгілі болды

Geely концерні Қытайда жаңа Emgrand-қа тапсырыс қабылдай бастады. Бесінші буындағы седан үлкейіп, заманауи медиажүйе және қуаты әртүрлі екі мотормен жабдықталған. Жаңа өнім 68 900–85 900 юань (5 млн—6.3 млн теңге) тұрады. Бірақ бұл жеңілдікті ескергендегі баға, алда модель сәл қымбаттайды.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Седанның сырт пішіні жаңа радиатор торы, ірі бампер және бүйірлік пластиктің арқасында Geely-дің қазіргі стиліне сай келеді. Артқы бөлігінде шағын спойлер көзге түседі. Жүріс бөлігінің алдында MacPherson тірегі, артқы жағында торсионды арқалық тұр, дөңгелек дискісінің өлшемі 18 дюймнен аспайды.

Emgrand-тың өлшемі — 4815 × 1885 × 1480 мм, дөңгелек базасы — 2755 мм. Демек автомобильдің ұзындығы 170 мм, ось арасындағы қашықтық 105 мм артқан. Жүксалғыш көлемі — 610 литр.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

Интерьерде өзгеріс көп. Атап айтқанда, алдыңғы панель, ортаңғы тоннель, рөл және трансмиссия селекторы жаңарған. Flyme Auto операциялық жүйесімен жұмыс істейтін медиажүйенің экраны үздік комплектацияда — 14.6 дюйм, базалық нұсқада 10.1 дюйм. Барлық көлікте аспаптар панелінің диагоналі 10.2 дюйм болады. Машинада заманауи электрондық көмекшілер кешені де бар.

Emgrand 1.5 литрлік екі түрлі қозғалтқышпен жүреді. Қарапайым агрегат 120 ат күші мен 150 Нм береді әрі вариатормен жұмыс істейді. Ал турбомотордың қуаты — 181 ат күші мен 290 Нм. Ол 7 сатылы робот қораппен жұптасады.

Қазақстанда Emgrand тек атмосфералы мотормен (122 а.к.) сатылып жатыр. 5 сатылы механика қорап пен 6 диапазонды автоматтың бірін таңдау мүмкіндігі бар. Автомобиль бағасы — 10.3–12.4 млн теңге.