Changan Қытай нарығына CS75 Plus кроссоверінің төртінші буынын ұсынды. Ол жаңарған шанағымен, үш дисплейден тұратын заманауи интерьерімен және қуатты жаңа қозғалтқышымен ерекшеленеді. Кроссовердің бастапқы бағасы өзгермеді — 121 900 юань (8.3 млн теңге).
Changan CS75 Plus-тың алдыңғы бөлігінің дизайны өзгеріп, басқа радиатор торын, күрделі жарық техникасын және өзгеше бампер алды. Жасырын есік тұтқалары мен 19 дюймдік жаңа дискілер қосылды. Жаңа модельдің өлшемдері — 4770×1910×1695 мм, дөңгелек базасы — 2.8 метр. Машина Қазақстанда сатылатын CS55 Plus моделінен 200 мм ұзын болса,
Кроссовердің салонында екі шабақты рөл, физикалық түймелер мен тіректері жоқ ортаңғы тоннель, екі сымсыз қуаттағыш, алдыңғы панельді бойлай орналасқан ірі дисплей пайда болды. Ол 10.25, 14.6 және 12.3 дюймдік үш экраннан тұрады. Жабдықтар тізіміне арқалығы кеңінен реттелетін және аяқ тірегіші бар өте ыңғайлы жолаушы орындығы кіреді.
CS75 Plus бір ғана мотормен жүреді. 192 ат күшін және 310 Нм момент беретін (бұрынғысы 188 ат күшіне ие) 1.5 литрлік турбомотор 8 сатылы Aisin автоматымен жұптасады. Алдын ала мәлімет бойынша топтамаға жыл аяғына қарай 2 литрлік қуатты қозғалтқыш қосылады.
Жаңа өнім модельдің Қытай нарығындағы танымалдығын сақтауға бағытталған, дегенмен CS75 Plus онсыз да сұранысқа ие. Биыл қаңтардан тамызға дейін Changan 130 мыңнан астам осындай кроссовер сатты.
Комментариев: 0