Қытайда Zeekr 9X саудаға шықты

Zeekr Қытайда флагмандық 9X кроссоверіне тапсырыс қабылдай бастады. Жаңа өнімнің басты артықшылығы — аккумуляторы аса сыйымды, кроссовердің кей сипаттамасын суперкарлармен салыстыруға болады. Ірі Zeekr 9X-тің бағасы — 479 900–569 900 юань (36.2–43 млн теңге).

Zeekr 9X өлшемі бойынша Қытайдағы жол талғамайтын көліктер ғана емес, Mercedes-Benz GLS, Rolls-Royce Cullinan сияқты Еуропа өнімдерімен бәсекеге түседі. Машинаның ұзындығы — 5239 мм, дөңгелек базасы — 3169 мм.

1 / 4

• 
• 
• 
• 

1 / 4

Базалық нұсқасының өзі 3.9 секундта жүзге дейін жылдамдық алады. Машина мұндай динамикаға жалпы қуаты 897 ат күшіне тең екі электромотор және 2 литрлік дәстүрлі мотордың арқасында қол жеткізіп отыр. 55 киловатт батарея көмегімен кроссовер 300 км жүреді, ал жалпы жүріс қоры — 1200 км. Аралық комплектация ерекше салонымен және аккумуляторын 70 киловаттқа ауыстыру мүмкіндігімен ерекше. Үздік түрленімінің басты артықшылығы — қосымша электромотор. Флагман Zeekr 9X алғашқы жүздікті 3.1 секундта еңсереді, агрегаты 1400 ат күшіне ие, бірақ жүріс қоры 1165 км ғана.

1 / 9

• 
• 
• 
• 
• 
• 
• 
• 
• 

1 / 9

Жаңа өнімнің салоны алты орынды, онда 16 дюймдік екі дисплейі бар медиажүйе, төбеде артқы қатардағы креслоларға арналған 17 дюймдік экран орналасқан, сондай-ақ 47 дюймдік проекция бар. Бейімді амортизатор мен пневматикалық элементтер стандарт комплектацияға енеді. Бренд одан бөлек 22 нүктелі массажы бар кресло, жиналатын үстел және Naim компаниясының 32 динамигін орнатады.

Модельдің ең қымбат нұсқасы аспадағы белсенді стабилизатор және бес лидар мен екі чиптен тұратын G-Pilot H9 электрондық көмекшілер жүйесін алады.

Zeekr 9X-ті брендтің 2025 жылғы басты жаңа өнімі деуге болады, бірақ жыл аяғына дейін компания бағасы біршама қолжетімді тағы бір кроссовер ұсынуды жоспарлап отыр. Ол — флагман модельдің 8X индексті шағын нұсқасы.