Қытайда Volkswagen Sagitar-дың жаңа буыны жарық көрді

FAW және Volkswagen альянсы Қытайда Sagitar седанының жаңа буыны қанша тұратынын жариялады, машина әдеттегідей Sagitar L ретінде сатылады. Седанның сырт пішіні мен интерьері жаңарған, бірақ платформасын сақтап қалды. «Қытайлық Jetta-ның құны» 119 900–135 900 юань (9–10.3 млн теңге) шамасында. Бірақ бұл сома кейін сәл өзгеруі мүмкін, өйткені қазір марка машинаны бір ғана қозғалтқышпен ұсынып отыр.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

VW Sagitar L моделінің шанақ дизайны толық жаңарып, бампері, капоты және бүйірі өзгерді. Жарық техникасы жіңішке диодты жолақпен толықты. Бренд логотипі жарық шашады. Машинаның дөңгелек базасы өзгеріссіз қалды (2731 мм), ұзындығы 21 мм артып, 4812 мм-ге жетті. Шанақтың хром элементі жоқ «қап-қара» нұсқасы болады.

1 / 6

• 
• 
• 
• 
• 
• 

1 / 6

Буыны алмасқан Sagitar-дың интерьері де біршама құбылған. Бренд салонға шағын алдыңғы панелін орнатты, ортаңғы тоннель артық заттардан арылды. Медиажүйе 15 дюймдік дисплей, Snapdragon 8155 процессоры мен DeepSeek чат-ботын алады, 10.25 дюймдік цифрлық аспаптар панеліне күнқағар қоймайды.

VW Sagitar L әу баста өзге қытайлық «фольксвагеннен» белгілі 1.5 литрлік турбомотормен жүреді. Қозғалтқыш 160 ат күші мен 250 Нм береді әрі 7 сатылы роботпен жұмыс істейді. Седан алғашқы жүздікті 8.8 секундта еңсереді, ең жоғары жылдамдығы — 200 км/сағ. Кейін машинаның жаңарған Lamando L сияқты қуатты түрленімі шығуы мүмкін. VW мен SAIC альянсы Қытайға арнап шығарған лифтбэк Golf GTI-дың 220 ат күшіне ие агрегатымен жүреді.