Қытайда қуатты гибрид Tank 400-дің бағасы белгілі болды

Great Wall концернінің құрамына кіретін Tank маркасы Қытайда 400-дің бензин-электрлі нұсқасына алдын ала тапсырыс қабылдап жатыр. Модельдің сырт пішіні мен интерьері жаңарды, бірақ негізгі өзгеріс күштік құрылымында. Tank 400-дің бұрын механикалық толық жетегі бар Hi4-T нұсқасы ғана сатылса, қазір мотор гаммасына қуатты Hi4-Z қосылды. Екі түрленім сәйкесінше 309 800 және 329 800 юань (23.4 және 25 млн теңге) тұрады.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Hi4-Z комбинациясы 2 литрлік дәстүрлі мотор және екі электромотордан құралған. Олар бірге 863 ат күші мен 1194 Нм береді, соның арқасында бес метрлік рамалы машина 4.3 секундта 100-ге дейін жылдамдық алады. Күштік құрылымға 59.05 киловаттық батарея да кіреді, Tank 400 электр күшімен 200 км жүреді.

Hi4-T рестайлингтен өткен соң заманауи бола түсті. Бензинді төрт цилиндрлі қозғалтқыш бір электромотормен бірге 408 ат күшін (750 Нм) емес, 421 ат күшін береді. Бұл түрленім алғашқы жүздікті 6.8 секундта еңсереді. Аккумулятор сыйымдылығы — 37.1 кВт⋅сағ. Машина электр қуатымен 105 км жүреді. Бірақ Tank 400 Hi4-T-дің артықшылығы — толыққанды толық жетекті жүйесіне ие, бұл нұсқаның Hi4-Z-ге қарағанда мүмкіндігі мол.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

Жаңарған Tank 400 жаңа бампер және басқа радиатор торымен ерекшеленеді. Салонда трансмиссия селекторы жоқ өзгерген ортаңғы тоннель тұр, ортаңғы тачскриннің формасы өзгерді. Машинада жасанды интеллектімен жұмыс істейтін дыбысты көмекшісі бар жаңа операциялық жүйе болады. Сондай-ақ Tank 400 Coffee Pilot Ultra электрондық көмекшілер кешенімен жабдықталған. Бензинді көлік осылай жаңара ма, жоқ па, белгісіз.