Оқиға 9 тамыз күні Нинбо қаласында болған. Zeekr 7X капоты ашық, пластик элементтері шешілген күйде қуаттау бағанының жанында тұрған, бірақ машина кабельге қосылмаған.
Кенет капот астынан тарс еткен дыбыс шығып, қою түтін көтерілген, төменнен жалын шыға бастаған. Абырой болғанда, өрт сөндірушілер дер кезінде келіп, өртті өшіріп үлгерді.
Компания бір тәулікке жетпейтін уақытта оқиғаны тексеріп, қорытындысын айтты. Өндіруші 10 тамызда Zeekr 7X бұған дейін ауыр апатқа ұшыраған, содан кейін ресми сервис орталығында тексерістен немесе жөндеуден өтпеген деп мәлімдеді. Мамандар өрт неден шыққанын анықтап жатыр.
Осы оқиғадан кейін Zeekr клиенттерге кез келген жол апатынан кейін электромобильдің үш негізгі компонентін міндетті түрде тексеру қажет екенін ескертті. Атап айтқанда:
- батарея, физикалық соққы ішкі ұяшықтарды немесе герметикалық қабатты зақымдауы мүмкін, бұл кейін аккумулятордың қызып кетуіне себеп болуы ықтимал;
- жоғары вольтты жүйе — инвертор, электр қуатын тарату блогы, қосқышы бар шиналар және қызғылт сары түсті кабель;
- шанақтың жалпы күштік құрылымы. Лонжерон, қосалқы рама не көлік астындағы қорғаныш пластинасының геометриясы бұзылса, батарея штаттық қорғанысынан айырылады, бұл маңызды тораптарға тұрақты деформациялық қысым түсіреді.
Комментариев: 0