Қытайда GAC GS8 арзандады

GAC бренді бұған дейін өз елінде GS8-дің алты немесе жеті адамға арналған үш қатарлы нұсқасын ғана сатқан. Концерн басшылары модельдің бағасын түсіру үшін GS8-дің жаңа комплектациясын шығарды. Үшінші қатар орындығы жоқ түрленім Deluxe деп аталады, бұл кроссовер әдеттегіден 27 мың юань арзан, оны 159 800 юаньға (9.7 млн теңге) алуға болады.

1 / 6

1 / 6

Үшінші қатардан бас тартқан соң артқы жолаушыларға арналған орын 930 миллиметрге, жүк салғыш көлемі 1859 литрге жетті. GS8-дің техникалық жағы өзгерген жоқ, кроссовер 252 ат күшіне ие (400 Нм) 2 литрлік турбомотормен жүреді, ол 8 сатылы Aisin автомат қорабымен жұмыс істейді.

Кроссовердің ең арзан түрленімі 20 дюймдік дөңгелек дискісі, 12.3 және 14.6 дюймдік екі дисплейі бар медиажүйе мен бейнетіркеуіш, климат-бақылау, электрлі реттелетін орындық, панорамалы шатыр және кілтсіз ашу жүйесімен жабдықталады, салоны экобылғарымен қапталады.

1 / 5

Қазақстанда GAC GS8-дің 7 орынды түрі ғана бар. Ол Қытайдағымен бірдей мотормен жүреді, бірақ қуаты 231 ат күшіне дейін (380 Нм) төмендеген. 2024 жылғы толық жетекті машинаның бағасы — 20 млн теңге.

Комментариев: 0