Қытайда ең ақылды автомобильдер анықталды

J.D.Power консалтинг фирмасы Қытайда жүргізген Tech Experience Index (TXI) зерттеуінің нәтижесін жариялады. Сарапшылар ел нарығына шыққан автомобильдердің технологиясын зерттеп, ең ақылды модельдерді анықтады. Нәтижесінде Nio, Zeekr, Lynk&Co және Mercedes-Benz үздік атанды.

Зерттеу нәтижесі бойынша TXI индексінің орташа деңгейі 588 балл болып (мүмкін болған 1000 балдан), былтырғыдан 38 ұпай өсті. Сарапшылар мұны рекордтық көрсеткіш деп санайды әрі Қытай автоөнеркәсібі кейінгі кезде технологияны клиенттердің нақты қажеттілігіне қарай дамытып жатқанын айтты. Электроника сенімді әрі тұрақты бола түсті, қазір пайдаланушылар инновацияға көбірек сенім артады.

Зерттеушілер технологиялық жетістікті жоғары бағалайды, бірақ клиенттердің жаңа функцияға деген сенімін одан әрі арттыру қажет деп санайды. Жылдам дамытуды қажет ететін басты инновацияның бірі — борт интерфейсіне жасанды интеллект енгізу.

Зерттеу қорытындысы бойынша рейтингте Zeekr көш бастады (716 балл), ол сөзсіз көшбасшы әрі сериялы электрокар мен гибрид өндірушілер арасында жеңімпаз атанды. Бұл сегменттің премиум секторында Nio (714 балл) жеңіске жетті. Дәстүрлі қозғалтқышпен жүретін модельдер арасында Lynk&Co (615 балла) үздік шықты. Бұл сегменттің премиум класында Mercedes-Benz (622 балл) бірінші орын алды.

Сарапшылар «ақылды жүргізу» категориясында BMW X5, Nio EC6, Changan CS75 Plus және Geely Galaxy E5-ті үздік деп таныды. Ал «цифрлы кокпит» санатында BMW X5, Nio ET5, Jetour X70 Plus және BYD Yuan Plus жақсы нәтиже көрсетті.

J.D. Power дерегінше Қытайға арналған ең ақылды 20 автомобиль