Қытайда электрлі Ford Bronco қанша тұрады

Америкалық жол талғамайтын көлікпен атауы бірдей болғанымен, жаңа өнім Қытай нарығына арналған мүлде басқа модель. Кроссовердің электрокар және гибрид нұсқасы бар, өндіруші бес комплектацияда ұсынады. Бағасы — 229 800–282 800 юань (16.8 млн—20.7 млн теңге). Қытайда түпнұсқа Bronco да сатылып жатыр, бірақ ол әлдеқайда қымбат. Ең арзаны 386 600 юань (28.3 млн теңге) тұрады.

1 / 11

• 
• 
• 
• 
• 
• 
• 
• 
• 
• 
• 

1 / 11

Жаңа өнімнің өлшемі — 5025×1960×1825 мм, дөңгелек базасы — 2950 мм. Кіру және шығу бұрышы — 30 және 32 градус. Клиренсі — 220 мм.

Мұндай Bronco-ның сырт пішіні марканың өзге өнімдеріне ұқсағанмен, интерьері Қытай көліктерін еске салады. Кроссовер Snapdragon 9255 процессоры мен 15.6 дюймдік экраны бар медиажүйе, 70 дюймдік проекция, 21 динамик және жасанды интеллектімен жұмыс істейтін көмекшімен жабдықталған.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Электрлі Bronco-ның екі моторлы нұсқасы ғана болады. Қозғалтқыштары 177 және 275 ат күшін береді. 105.4 кВт·сағ батареяның арқасында машинаның жүріс қоры 650 км-ге жетеді.

Гибрид түрленім қосымша 150 ат күшіне ие 1.5 литрлік дәстүрлі мотор алады. Бірақ артқы электромотордың қуаты 245 ат күшіне дейін кемиді. Гибридтің батареясы — 43.7 кВт·сағ. Машина электр қуатымен 220 км жүреді. Жалпы жүріс қоры — 1220 км.

Ford мұндай Bronco-ны Қытайдан өзге нарыққа шығармайды. Электрокар мен гибрид концерннің Қытайдағы саудасын жақсартады деген жоспар бар, өйткені 2014 жылдан бері елде Ford-қа сұраныс төмендеп жатыр.