Қытайда Changan CS55 Plus жаңарды

Changan Қытайда жаңарған CS55 Plus кроссоверінің алғашқы суретін жариялады. Жергілікті БАҚ хабарлағандай, сырт пішіні мен интерьері өзгерген SUV төртінші буын өкілі.

Changan CS55 Plus-тың алдыңғы жағы толық жаңарған. Онда үлкен радиатор торы мен ірі ауа тартқышы бар бампер көзге түседі. Жарық техникасы басқаша орналасқан. Жоғарғы жағында C пішінді күндізгі жүріс шамы мен бұрылыс сигналы бар, негізгі блок төмен орналасқан. Сондай-ақ капот жиегінде диодты жолақ орналасады. Артқы шамы да өзгерді, олар бір блокта жасалған. Кроссовердің өлшемі өсті. Дөңгелек базасы мен шанақ құрылымы өзгерген жоқ.

1 / 4

• 
• 
• 
• 

1 / 4

CS55 Plus салонында диагоналі 10.25 және 14.6 дюймдік екі дисплейден тұратын «моноблок» орналасқан. Трансмиссия селекторы рөлге ауысты, ортаңғы тоннельге екі сымсыз қуаттағыш қойған. Рөлдің формасы өзгерді, онда бірнеше батырма болады. Алдыңғы жолаушы креслосын демалуға ыңғайлы етіп баптай алады.

Қазірше Changan CS55 Plus тек бір қозғалтқышпен жабдықталады. Машина 192 ат күшіне ие (310 Нм) 1.5 литрлік мотормен жүреді, агрегат 7 сатылы робот және алдыңғы жетекпен жұмыс істейді. Кроссовер жылдамдығы 190 км/сағ-қа жетеді, 100 шақырымға отын шығыны — 6.94 литр. Кейін жаңа өнімнің 147 ат күшіне ие мотормен жүретін арзан түрленімі шығады.

Қазақстанда Changan CS55 Plus 181 ат күшін беретін 1.5 литрлік мотормен жүреді. Біздің елде кроссовердің үш нұсқасы сатылады, бағасы — 12.9–14.4 млн теңге.