Қытайдың DongFeng Motor концерні америкалық Humvee-дің көшірмесі саналатын Mengshi жол талғамайтын көлігінің электрлі нұсқасы жасалып жатқанын хабарлады. Бастапқыда ол тек әскери мақсатта пайдаланылған, былтырдан бастап жалпы ел азаматтары үшін қолжетімді болды.
Қытайлық БАҚ-тың хабарлауынша, M18 индексіне ие машинаның күштік құрылымы 1070 ат күшін береді. Сыйымдылығы 140 кВт/сағ болатын литий-ионды батарея орнатылған көліктің жүріс қоры 500 шақырымға жетеді. Салмағы 3.1 тонна Mengshi жүзге дейін жылдамдықты бес секундта алады.
Алғашқы электрлі Mengshi ұзындығы 5.2 метр, алты орынды, автопилот жүйесі бар жол талғамайтын көлік болады. Бағасы — 90 000 доллар.
Комментариев: 0