Қытай нарығына арналған BMW 5-Series (G60)

Жаңа буындағы 5-сериялы BMW-ның тұсаукесерінен бірнеше ай өткен соң модельдің Аспан асты еліне арналған арнайы түрленімі шықты.

Қытай нарығына арналған G60 индексті «бестік» ұзын дөңгелек базасымен ерекшеленеді. Қолда бар мәліметке сүйенсек, мұндай BMW-ның дөңгелек базасы еуропалық нұсқасынан 120 мм ұзын болады, ось арасындағы қашықтық — 2995 мм. Соның арқасында артқы жолаушы орны кеңейді.

1 / 6

• 
• 
• 
• 
• 
• 

1 / 6

Қытайлық BMW 5-Series-тің тағы бір ерекшелігі — төбедегі 31 дюймдік дисплей. BMW мұндай жабдықты өзге елде қымбат әрі статусы жоғары 7-серияға ғана орнатады.

1 / 5

• 
• 
• 
• 
• 

1 / 5

BMW дөңгелек базасы ұзын G60 индексті түрленімнің күштік құрылымы жайлы ақпарат берген жоқ, бірақ Қытайда модельдің бензинді нұсқасы да, электрлі i5 нұсқасы да шығатыны белгілі. Автомобиль Дадонг қаласындағы BMW-Brilliance бірлескен зауытында жасалады.