Қытай концерндері Еуроодақ тарифін айналып өтетін жол тапты

Былтыр қазанда Еуроодақ Қытайдан кіретін электрокарларға салық енгізген, оның мөлшері 45 %-ға дейін жетті. Шенділер мұндай қадам жергілікті автоөндірушілерді қорғау үшін жасалғанын әрі ол ДСҰ нормасына сай келетінін айтқан.

Осыған орай Қытай автоөндірушілері Еуропада өндіріс орындарын ашып, кеден салығы 10 % күйінде қалған гибрид көліктерін көптеп жеткізе бастады

Dataforce хабарлағандай, 2025 жылдың алғашқы жартысында BYD қарт құрлықта 20 000 гибрид тіркеген, бұл былтырғы жалпы көрсеткіштен үш есе көп. Lynk & Co сияқты өзге Қытай маркалары туралы да осыны айтуға болады.

Carscoops сауда дауын реттеу мәселесімен айналысатын Еурокомиссия Қытай гибридтерінің экспансиясынан хабардар екенін мәлімдеді. Бірақ олар мұны алдағы келіссөзде Қытайға қысым жасау факторы ретінде пайдалану үшін ешқандай шара қолданбай отыр.