Қытай электромобилінің батареясы жол үстінде түсіп қалды

Оқиға жуырда Қытайдағы Чэнду қаласында болды. Жүріп бара жатқан Cao Cao 60-тың аккумуляторы түсіп қалған. Электрохетчбэк инерция күшімен тағы бірнеше метр жүріп барып тоқтапты. Абырой болғанда батарея тұтанбады.

Қызығы сол, Cao Cao 60 оңай алынатын батареясымен танымал. Оны ауыстыруға небәрі бір минут кетеді екен. Басқа автоөндірушілердің ешбірі мұндай ерекшелікпен мақтана алмайды.

1 / 6

• 
• 
• 
• 
• 
• 

1 / 6

Geely Cao Cao Auto деп аталатын жаңа брендін биыл көктемде таныстырған. Марканың алғашқы өнімі такси және каршеринг қызметіне арналған. Жүргізуші көлігін қуаттауға көп уақыт жұмсамау үшін алынатын батарея орнатыпты. CarNewsChina.com таратқан ақпаратқа сүйенсек, бұл модельді бюджеттік электромобиль қатарына қосуға болады. Жүріс қоры 600 шақырымға жететін Cao Cao 60-тың ең арзаны 119 800 юань (17.5 мың доллар) тұрады.