Stellantis концерні Еуропадағы маркаларының қатарын Қытай электрокарларымен толықтырмақшы. Automobilwoche басылымы өз дереккөзіне сілтеме жасап хабарлағандай, концерн бұл процесті 2026 жылы Opel брендінен бастауы мүмкін.
Еуропадағы жаңа Opel былтыр Париж автосалонында жарық көрген 4.5 метрлік Leapmotor B10 кроссовері болатын сияқты. Электромобиль 179 немесе 220 ат күші бар мотормен және 56.2 не 67.1 кВт·сағ батареямен жүреді, жүріс қоры 600 шақырымға жетеді.
Басылым дерегінше компания әлі соңғы шешім қабылдамады. Жоба жүзеге асса, Opel маркасы Volkswagen ID.4, Škoda Elroq және BYD Atto 3 сияқты модельдермен бәсекелесе алатын арзан электромобиль алады. Leapmotor Испаниядағы Opel зауытында өндірісті қолға алып, Еуропаның Қытай машиналарына қатысты жаңа тарифін айналып өтеді. Қазір стандарт тарифке (көлік құнының 10 %-ы) қосымша 20.7 % баж салығы қосылады.
Комментариев: 0