Британиялық The Economist хабарлағандай, Қытай автоөндірушілері бірнеше жылда Таяу Шығыс пен Африка нарығындағы үлесін — нөлден
Қытайлар сауда векторын өзінің жеке автоөнеркәсібі жоқ, шетелдік компаниялардың филиалдары ғана бар мемлекеттерге бағыттап отыр. Басқаша айтқанда, Қытай брендтері бұрыннан жұмыс істеп тұрған ескі маркалардың орнын тартып алып жатыр.
Қытай экспансиясының артуына ішкі нарықтағы дағдарыс себеп болды. 2024 жылы Аспан асты елінде 23 миллионға жуық машина өткенімен, сауда қарқыны бәсеңдеп, автоөнеркәсіп артық өнім проблемасына тап болған. Сондықтан зауыттар жарты күшпен жұмыс істеп жатыр, егер олар бар күшін салса жылына 45 млн машина шығара алады.
Кеден алымдары мен транспорт шығынын үнемдеу үшін қытайлар шетелде өндіріс орнын ашуға ниетті. BYD қазір Таиланд пен Өзбекстанда автомобиль құрастырып жатыр, жақында бұл қатарға Бразилия, Индонезия, Венгрия, Түркия және Мексика қосылады. Chery, Great Wall, SAIC және Changan да осы жолға түспек. Мамандар биыл шетелдерде 2.5 млн Қытай көлігі шығатынын есептеді.
Қытай өнімдері Қазақстанда да жақсы өтіп жатыр. 2024 жылдың қорытындысы бойынша ресми автонарықтағы үздік 10 марканың алтауы Қытай бренді болды. Кей автоөндірушісі біздің елде көлік құрастырып жатыр (мысалы, JAC, Jetour және Hongqi). Kaiyi, Changan, Chery және Tank Қазақстанда өндіріс орнын ашуға дайын отыр. Бұл қатарға Haval қосылуы мүмкін.
Қытай машиналары жеке нарықта да біршама танымал. Kolesa.kz-те сатылып жатқан 6.7 мыңға жуық жаңа автомобильдің 3 мыңнан астамы Аспан асты елінің өнімі.
Комментариев: 0