Қазақстанда жылда қар қалың жауғанда тас жолдар жабылады. Алайда жүргізушілер ескертуді құлаққа ілмей, қала сыртына шығып, өзі мен жолаушы өміріне қауіп төндіреді. Адамдарды қар құрсауынан шығару оңай емес. Енді жүргізушілерді жөнге салу үшін жақында оларды жазалау басталады.
— Қазір біз «ҚазАвтожол» ҰК" АҚ және "Қазақавтожол ЖШС-імен бірге ауа райы жайсыз болатыны туралы ескертілгеніне қарамастан, қыста жолға шығатын тұрғындарды жауапкершілікке тарту мүмкіндігін қарастырып жатырмыз. Жол мамандары боранда жүрген көлік иелері жайлы полицияға хабарлайды. Ал тәртіп сақшылары бейқам азаматтарды жауапқа тартады, — деді астанадағы ТЖД төтенше жағдайды жою басқармасының басшысы Эльдор Райымбеков.
Жүргізушілер Әкімшілік кодекстің 462-бабы, 3-бөлігі (мемлекеттік орган қаулысын орындамау) бойынша жауапқа тартылып, 5 АЕК айыппұл төлейді. Ал егер өңірде төтенше жағдай режимі енгізілген болса, Әкімшілік кодекстің 476-бабына сай 10 АЕК айыппұл арқалап, тіпті 15 тәулікке түрмеге қамалуы мүмкін.
Комментариев: 0