Қыркүйекте өтетін жарыстар күнтізбесі

Қыркүйекте Қазақстан автоспортында күзгі маусым басталады. Алдағы апталарда картинг, дрифт, тайм-аттак, драг, мотокросс және эндуро жарыстары өтеді.

• Халықаралық кластағы картингтен Қазақстан чемпионаты, төртінші кезең, 5–7 қыркүйек.
• Gorilla Drift Night Fight, 12–13 қыркүйек.
• Мотокростан Алматы облысы кубогы, үшінші кезең, 13–14 қыркүйек.
• Sokol Time Attack, бесінші кезең, 20–21 қыркүйек.
• «Пампас» эндуро-спринті, 27–28 қыркүйек.
• Sokol Drag Wars республикалық турнирі, бесінші кезең, 27–28 қыркүйек.

Халықаралық кластағы картингтен Қазақстан чемпионаты, төртінші кезең, 5–7 қыркүйек

Алдағы демалыс күндері Sokol автодромында картингтен Қазақстан чемпионатының төртінші кезеңі өтеді. Қатысушылар 13 жастан аспаған спортшылардың Mini санатынан бастап, ең жылдам KZ-2 сияқты бірнеше класқа бөлініп сайысқа түседі. Мұндағы болидтер 2 тактілі қозғалтқышпен (125 текше см) жабдықталған, олардың қуаты шамамен 52 ат күшіне жетеді және беріліс қорабы болады.

Жарыс ережесіне сай төртінші кезең 5–7 қыркүйек аралығында өтеді. Жұма мен сенбі шабандоздар жаттығуға қатысады, кейін 10:00-ден 11:40-қа дейін іріктеуден өтеді. Негізгі бәсеке жексенбі, 7 қыркүйекке жоспарланған. Картингтер трекке 8:30-да шығады, бәйге 10:00-де басталады. Марапаттау рәсімі 12:40-та болады.

Gorilla Drift Night Fight, 12–13 қыркүйек

12–13 қыркүйек күндері Sokol кешенінде Gorilla Drift Night Fight дрифт-шоуы өтеді. Сонымен қатар Street Legal атты кіші дрифт сериясының маусымы аяқталады. Жанкүйерлерді тек әуесқойлардың емес, кәсіби дрифтшілердің де жұптық сайыстары күтеді. Street және Pro кластарын бөліп көрсететін арнайы шоу болады.

12 қыркүйекте жаттығу мен іріктеу өтсе, басты бәйге 13 қыркүйекке жоспарланған. Gorilla Drift Night Fight 12:00-де ашылады.

Кіру ақылы. Билеттер бағасы 2500 теңгеден басталады, трибунаға өту 5000 теңге, техпаркке кіру 6000 теңге. Билетті сілтеме арқылы сатып ала аласыз.

Мотокростан Алматы облысы кубогы, үшінші кезең, 13–14 қыркүйек

Облыстық мотокросс кубогының үшінші кезеңі 14 қыркүйекте «Лысая гора» трассасында, Қарғалы (бұрынғы Фабричный) ауылында өтеді. Спортшылар мына кластарға сәйкес өнер көрсетеді:

• 65 текше. см — 6–12 жас аралығындағы балалар;
• 85 текше. см — 10–15 жас аралығындағы балалар;
• 125 текше. см — 14 жастағы және одан үлкен мотоциклшілер;
• Open — 16–35 жас, 500 текше см-ге дейінгі мотоцикл;
• Open 2 — 35 жастағы және одан үлкендер, кез келген модельдегі мотоцикл;
• MX China Enduro — аспан асты елінде шыққан кез келген мотоцикл;
• «Қыздар» — 14 жастағы және одан үлкендер, мотоцикл түрі маңызды емес;
• Ресми сайыс 11:00-де басталады. Кіру тегін.

Sokol Time Attack, бесінші кезең, 20–21 қыркүйек

Қыркүйектің екінші жартысында көрермен Sokol кешенінің негізгі трассасында Sokol Time Attack-тың бесінші кезеңін тамашалайды. Шабандоздар жылдам айналым жасап жарысады. Бәсеке SC2000 санатынан (түрленген Honda Civic, Mazda MX-5 және Subaru BRZ) жылдам GT PRO санатына (Porsche 911-дің GT3, GT3 RS, Turbo нұсқалары және тайм-аттакқа арналған болидтер) дейінгі бірнеше класқа бөлінген.

Негізгі жарыстар 21 қыркүйекте сағат 9:30-да басталады. Кіру ақылы, алдыңғы кезеңдерде трибуна мен пит-лейнге өту 10 000 теңге тұрған. Билетті кассадан алуға болады.

«Пампас» эндуро-спринті, 27–28 қыркүйек

«Пампас» мотожарысы биыл да Қапшағайда, «Алтын құм» маңындағы Дюна жағажайында өтеді.

Жарыс Junior санатынан басталып, Cross категориясына дейінгі алты кластан тұрады. Қозғалтқыш көлеміне қарамастан кез келген кросс мотоциклі жарысқа қатыса алады. Ал электрлі мотоцикл және Қытай мототехникасын тізгіндегендер мен қыздар бөлек класта өнер көрсетеді.

«Пампас» екі күнге жалғасады. Сенбі күні спортшылар әкімшілік тексеріс, дайындық және іріктеуден өтеді. Сағат 9:00-де трассаға кроссмендер мен эндуристер шығады. Сондай-ақ 27 қыркүйекте Junior класындағы жарыстың финалы өтеді. Негізгі жарыс жексенбі күнге жоспарланған. Шабандоздар жарыс жолына сағат 10:45-те шығады.

Sokol Drag Wars республикалық турнирі, бесінші кезең, 27–28 қыркүйек

402 метрлік жарыс маусымы қыркүйектің аяғында аяқталады. Жарыс жексенбіге жоспарланған.

Спортшылар әртүрлі класта сынға түседі, кластар жетек түріне немесе қозғалтқыш қуатына байланысты емес, 402 метрді жүріп өтетін уақытына қарай бөлінеді. Ең баяу категорияға 13–14 секунд нәтиже көрсететін қарапайым көліктер кіреді. Ең жылдам — Unlim санаты арнайы дайындалған болидке арналған, олар 402 метрді 9.5 секундтан аз уақытта еңсереді.

Кіру ақылы. Алдыңғы кезеңдерде трибунаға кіретін билет бағасы 5 000, техпарк билеті 20 000 теңге болған.

Ұйымдастырушылар нақты баға мен уақытты жарыс күні жақындағанда жариялайды.