8 маусымнан бері жүргізушілер оңтүстік астанаға жету үшін бірнеше сағат жұмсауға мәжбүрміз деп шағымдана бастады. Құлжа трассасы мен оған іргелес жолдарда төрт күн бойы кептеліс болды. Мегаполистің жол инфрақұрылымын дамыту басқармасы бұған Құлжаның Бұқтырма көшесінен қала шекарасына дейінгі бөлігінде орташа жөндеу жұмысы жүріп жатқаны себеп болғанын айтты. Шенділер бұл бөлікте он жыл бойы асфальт ауыспағанын алға тартып отыр.
«Тексеріс кезінде трассаны пайдалану сипаттамасы мен қауіпсіздігіне кері әсер ететін көлденең жарықтар, шұңқырлар мен ойықтар анықталды. Кей бөлікте тротуар жоқ», — дейді басқарма өкілдері.
Мамандар жолақтар бірден емес, кезек-кезек жабылатынын хабарлады. Жүргізушілерге барынша ыңғайлы болу үшін жұмыстар негізінен түнде жүріп жатыр.
Асфальт ауыстыру процесі биыл 10 шілдеде аяқталады.
Комментариев: 0