Қазақстанға толық жетекті Kaiyi моделі келді

Былтыр көктемде Omoda, Jetour, Exeed және Jaecoo сияқты Chery концернінің құрамына кіретін Kaiyi Қазақстан нарығына шыққан. Марка топтамасында үш кроссовер мен бір седан бар, бірақ оның бәрі алдыңғы жетекті болатын. Компания енді толық жетекті түрленімі бар жаңарған X7 моделін әкелді.

Жаңарған X7 сырттай өзгеше радиатор торы және дизайны жаңа 20 дюймдік дөңгелек дискісімен ерекшеленеді. Толық жетек автомобильдің екі комплектациясында ғана бар: Luxe AWD (16.7 млн ​​теңге) және Flagship AWD (17.4 млн теңге). Мұндай машиналар 7 сатылы роботпен жұмыс істейтін, 238 ат күшіне ие (375 Нм) 2 литрлік турбомотормен жүреді. Алдыңғы жетекті кроссоверлердің жанармай багы — 60 литр, ал толық жетекті көліктікі 55 литр болады.

X7-нің арзан нұсқалары 186 ат күшін беретін 1.6 литрлік турбомотормен (7 сатылы роботпен жұптасады) жүреді. Мұндай машина 13.8 млн теңге тұрады. Алдыңғы жетекті кроссовердің жабдықтар тізіміне алты қауіпсіздік жастығы, базалық электронды көмекшілер жинағы, парктроник, айнала шолу камерасы, круиз-бақылау, панорамалы шатыр, кондиционер, 12.8 дюймдік экраны мен 6 динамигі бар медиажүйе, жылытуға болатын алдыңғы, артқы кресло және рөл кіреді.

Flagship AWD-дің 5 орынды нұсқасы — 17.4 млн, 7 орынды түрі 17.5 млн теңге тұрады. Автомобиль сегіз қауіпсіздік жастығы және электронды көмекшілердің толық жинағымен жабдықталған. Сондай-ақ тізімде қосымша климат-бақылау, электрлі реттелетін кресло, жаңбыр сезгегі, 14.6 дюймдік дисплей мен 12 динамикті медиажүйе бар.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

2024 жылғы алдыңғы жетекті Kaiyi X7-нің бағасы — 13.2–15.3 млн теңге. Былтыр модельдің ең үздік нұсқасы 7 орынды Luxe + болған. Қазір мұндай кроссовер 15.9 млн теңге тұрады.

Kaiyi бренді былтыр Қазақстанда 773 автомобиль сатып, елдегі Қытай маркаларының арасында 11-орынға жайғасты. Бірінші орындағы Chery-дің 14 883 машинасы өткен. Kaiyi дилерлері 2025 жылдың алғашқы үш айында 287 көлік саудалады, марка әлі үздік ондықтың қатарына қосылған жоқ.