Солтүстік Америкадағы, Еуропадағы және Үндістандағы аймақтық штаб-пәтерлердің ізін ала ресейлік бөлім де ірілене түсті. Санкт-Петербургтегі өндірісті жоспарлау мен Ресейдегі өнімді дистрибуциялаудан бөлек, Hyundai Motor Russia & CIS Headquarters жауапкершілік аумағына Қазақстан, Беларусь, Армения, Қырғызстан, Тәжікстан, Түркменстан және Өзбекстан да кірді.
Аймақтық штаб-пәтердің билігін «Хёндэ Мотор Мануфактуринг Рус» ЖШҚ-ның питерлік зауытының басшысы Ли Ёнтек өз қолына алды. «Жаңа бөлімді құру аймақтық нарықтарға бірігудің жоғарғы дәрежесін қамтамасыз етуге бағытталған, бұл компанияның нарықтағы трендтердің күрт өзгеруі мен дамуына және клиенттердің сұранысына сай жылдам әрекет ету мүмкіндігіне ие болуы үшін қажет», — деп компания релизінде жазылыпты.
Естеріңізге сала кетейік, бұрында Қазақстандағы дистрибьютор Hyundai Kazakhstan Киевте (Украина) орналасқан Hyundai Motor ТМД және Шығыс Еуропа аймақтық кеңсесімен жұмыс істегенн. Қазіргі таңда Hyundai Қазақстанда ең көп сатылатын көліктер тізімінің үздік үштігін түйіндеп тұр. 2018 жылдағы он бір айда 180 мың Hyundai сатылған. Осылайша, біздің ел жаңа құрылған компанияның нөмірі екінші нарығы болмақ.
Комментариев: 0