Қазақстандағы Exeed RX автомат қорап алады

Біздің елге 2023 жылы аяқ басқан Exeed RX сәл жаңарды. Сыртқы дизайнында еш өзгеріс жоқ, тек беріліс қорабын таңдау мүмкіндігі пайда болды. Бұрын бренд кроссоверді роботпен жұмыс істейтін 2 литрлік турбомотормен ғана ұсынса, енді 8 сатылы автомат қорап орнатқан түрін таңдауға болады. Екеуі де толық жетекті, CDC бейімді аспасы бар.

Бұрын бұл модель үшін автосалондар 18.3 млн теңге сұрайтын. Жаңарған көлік одан қымбат, прайста 22-25 млн теңге деп тұр. Бірақ жеңілдікпен қарапайым түрін 18.5 миллионға, жақсы жабдықталғанын 21 млн теңгеге аласыз.

Luxury нұсқасы Premium-нан қорап типімен ғана емес, мотор қуатымен де ерекшеленеді. Автомат қораппен жұмыс істейтін агрегат бұрынғыдай 249 ат күшін (385 Нм) берсе, роботтың қуаты 197 ат күшіне (375 Нм) дейін кеміген.

Жабдықтар тізімінде де айырмашылық бар. Luxury-де ауа иондағыш, алдыңғы жолаушыға арналған диван, жүргізуші орындығындағы массаж функциясы жоқ, рөл колонкасы электр көмегімен реттелмейді, электронды көмекшілер мен қауіпсіздік жүйелері қарапайым. Қымбатырақ RX-ке марка қосымша екі қауіпсіздік жастығын орнатады.