Қазақстанда жаңа Infiniti QX80 қанша тұрады

Infiniti-дің Қазақстандағы өкілі жақында автосалондарға брендтің флагман моделі — үшінші буындағы QX80 келетінін хабарлады. Алғашқы партияны дилерлер биыл қыста сата бастайды.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Жаңа Infiniti QX80 былтыр наурызда жарық көрді. Машина — 2023 жылғы QX80 Monograph концептісінің сериялық нұсқасы. Флагманның ұзындығы — 5.36 метр, дөңгелек базасы — 3 метрден сәл ұзын.

Модель VR35DDTT индексті 3.5 литрлік турбо V6-мен жүреді. Ол 450 ат күшін (700 Нм) береді. Қозғалтқыш 9 сатылы автоматпен және толық жетек жүйесімен жұптаса жұмыс істейді.

Infiniti QX80 жүк салған кезде ыңғайлы болу үшін шанақты 7.5 см-ге түсіре алатын бейімді Dynamic Digital Suspension аспасы, 24 динамикті 1200 ваттық Klipsch Reference Premiere аудиожүйесі, амбиент жарық, алдыңғы панельдегі екі экран (14.3 дюйм) және климат-бақылауға арналған қосымша сенсорлы экранмен жабдықталады. Көп аймақты климат жүйесі әр жолаушының жеке параметрін автоматты түрде реттей алады. Төбедегі инфрақызыл сезгек температураның жайлылығын анықтайды. Жабдықтар тізіміне жылытқыш, желдеткіш және массаж функциялары бар орындықтар, жүргізуші ассистенттерінің кешені, айнала шолу камерасы және алдыңғы әйнекке түсетін проекция кіреді.

1 / 11

• 
• 
• 
• 
• 
• 
• 
• 
• 
• 
• 

1 / 11

Қазақстанда Infiniti QX80 екі комплектацияда (Sensory және Autograph) саудаланады. Біріншісі 7 және 8 орынды болса, үздік Autograph түрленімі тек 8 орынды болады. Екінші қатарда диван тұрады.

QX80-нің бағасы — 70–89.4 млн теңге. Дилерлер алдын ала тапсырыс қабылдауға дайын.