Қазақстандық автобизнес ассоциациясы (ҚАБА) берген дерек бойынша, Қазақстанда тіркелген оң рөлді көліктердің саны биылғы жарты жылдықта екінші нарықта тіркелгендердің 5 %-ын құраған. Жеткізіліп жатқан көлік болмағандықтан, рөлі оң жақта орналасқан көліктер қолдан қолға өтіп жүр. Жапониядан әкелінетін көліктер саны жыл санап азайып келеді және қазір ел автопаркінің тек 4 %-ын құрайды.
2019 жылдың сәуіріндегі жағдайға тоқталсақ, 142 966 оң рөлді автокөлік тіркеліпті. Таңғаларлығы, басым бөлігі Алматыда (43 334 дана), Алматы облысында (42 839 дана) және Шығыс Қазақстан облысында (22 030 дана) тіркелген. Елдің батыс аймағында мұндай көліктер тіпті жоқ десе болады, себебі Батыс Қазақстан облысында тіркелген 130 мың темір тұлпардың небәрі 391 данасы оң рөлді.
ҚАБА деректеріне сәйкес, рөлі оң жақтағы автокөліктердің 45.5 %-ы Toyota (64 мың) үлесінде, 21.5 %-ы Mitsubishi (30.5 мың), бестікті Nissan (18.1 мың), Honda (15 мың) және Subaru (8.3 мың) түйіндейді. Айта кетерлігі, оң рөлді көліктердің барлығы дерлік 20 жастан (97.7 %) асқан.
Үлгі бойынша қарастырсақ, ең көп сақталған екінші буындағы Mitsubishi Pajero (99 917 дана), екі түрленімдегі Mitsubishi Delica (9 661 дана) және Nissan Cefiro (7 876 дана). Ондықта алғашқы буындағы Honda CR-V (6 640 дана) және Toyota Hilux Surf (6 117 дана) бар. Одан бөлек Қазақстанда 5 541 Toyota Mark II седаны мен универсалы, 5 245 Toyota RAV4 кроссовері, 5 217 TLC Prado жол талғамайтын көлігі, 4 988 Subaru Legacy және 4 975 Honda Odyssey минивэні есепке қойылған.
Комментариев: 0