Елде атауы латын әріптерімен жазылғанмен, қазақ тіліндегі тор мағынасын беретін жаңа бірыңғай цифрлық платформа іске қосылды. Оның негізгі міндеті — жолда болып жатқан оқиғаларға қатысты мәлімет жинап, құрылымдау және шынайы уақыт режимінде көрсету.
TOR деректі қалалар мен трассаларда тұрған стационар жүйелер мен патруль көлігіндегі, дрондағы кешендер сияқты мобильді құрылғылардан алады.
Жол қауіпсіз болуы үшін қызмет ететін жаңа платформа полицияға апат болған орынды аймақ бойынша тексеріп, қауіпті жүргізушілерді анықтауға, тіпті тым ұзақ көлік тізгіндеп бара жатқан жүргізушіні назарға алуға септеседі.
TOR-ды Sergek Group жасаған. Жоба елдегі бейнебақылау камералары мен анықтау жүйелерінің бәрін бір цифрлық экожүйеге біріктіруге тиіс «Қауіпсіз қала» платформасының бір бөлігі.
Комментариев: 0