Күздің екінші айында билік кейбір мұнай өнімінің бағасын уақытша реттеу туралы шешім қабылдады, дәлірек айтқанда олардың әрі қарай қымбаттауына мораторий жариялады. Бұл шара АИ-92 бензині мен дизельге қатысты. Тыйым 16 қазанда күшіне енді, бірақ оған дейін баға қыркүйекпен салыстырғанда өзгерді.
Алматыда АИ-92 бензині 5–6 теңге қымбаттады, қазір ірі жанармай бекеттерінде баға бірдей (241 теңге). АИ-95 бағасындағы айырмашылық үлкен. Қарапайым бензин 291–300 теңге аралығында, ал «Газпромнефть» желісінде G95 маркалы фирмалық отынның құны — 308 теңге.
Жазғы дизель Алматыдағы бекеттерде мемлекет бекіткен шекті деңгей — 335 теңгеде тұрақтады. Оның бағасы жыл басынан бері кейбір жерде 40 теңгеге өскен.
Қазанның аяғында Астанадағы бекеттер АИ-92 үшін 235–237 теңге (қыркүйектің аяғында 231–235 теңге еді) сұрап отыр. АИ-95-тің құны 281–294 теңге аралығында, дизель 321–323 теңгеден 322–327-ге көтерілген.
Ірі қалалар арасында ең арзан жанармай Шымкентте. Мұнда АИ-92 222–225 теңгеге саудаланып жатыр, бұл қыркүйекке қарағанда 5–8 теңге жоғары. Дизельді ірі станциялардан 333 теңгеге аласыз. Мемлекет АИ-95-тің бағасын реттемейді, сондықтан ол әлі қымбаттауы мүмкін. Қазір Шымкентте ол 276–284 теңге тұрады.
Комментариев: 0