Қарағанды облысындағы трассада 19 машина соғылды

Бейсенбі, 23 қаңтар күні сағат 12:30-да Екатеринбург — Алматы тас жолының Қарағанды мен Балхаш арасындағы бөлігінде көліктер ірі жол апатына ұшырады. «ҚазАвтоЖол» АҚ мәліметінше 19 автомобиль соғылған. Алдын ала мәлімет бойынша бұған жылдамдық режимін және арақашықтықты сақтамау себеп болыпты.

Жол қолайсыз ауа райына байланысты жабылғаннан кейін сағат 10:30-да ашылған екен.

View this post on Instagram

A post shared by kris.p.taraz +21TARAZ🇰🇿🚔🔝 (@kris.p.taraz)

Облыстық полиция департаментінің деректеріне сәйкес, апат салдарынан алты адам жарақат алған. Олар ауруханаға жеткізілді.

Бұл биыл қала маңындағы тас жолда болған алғашқы жағдай емес. Жыл басында Астана — Щучинск трассасында 95 автокөлік соғылған. Сол кезде 12 адам зардап шекті. ТЖМ Төтенше жағдайларды жою департаменті басшысының орынбасары Аслан Уәкішев апаттың нақты себебін анықтау жұмыстары әлі жалғасатынын айтты. Ол бұл туралы Орталық коммуникациялар қызметінде өткен брифингте мәлімдеді. Қылмыстық кодекстің 345-бабының 1-бөлігі және 353-бабының 1-бөлігіне сәйкес тексеріс жүріп жатыр.