Көлік министрі міндетін атқарушының Астана — Алматы трассасының Қарағанды — Бурылбайтал бөлігін ақылы ету туралы бұйрығы 29 маусымда жарияланды. Құжат 10 күнтізбелік күннен кейін, яғни 2026 жылғы 10 шілдеде күшіне енеді. Содан бастап 645 шақырымдық ІБ санатындағы жол бөлігімен жүрген машиналар мынадай тарифпен ақы төлейді:
- Жеңіл автомобиль: кейін төлем жасаса — 0.5413 АЕК (2340 теңге), алдын ала төлем жасаса — 0.4691 АЕК (2028 теңге).
- 16 орынға дейінгі автобус және 2.5 тоннаға дейін жүк көтеретін көлік: кейін төлесе — 1.3714 АЕК, алдын ала төлесе — 1.1729 АЕК.
- 32 орынға дейінгі автобус және 5.5 тоннаға дейін жүк көтеретін көлік: кейін төлесе — 2.7066 АЕК, алдын ала төлесе — 2.3096 АЕК.
- Орын саны 32-ден асатын автобус және 10 тоннаға дейін жүк көтеретін көлік: кейін төлесе — 4.0599 АЕК, алдын ала төлесе — 3.4464 АЕК.
- 10-15 тоннаға дейін жүк көтеретін көлік: кейін төлесе — 5.4493 АЕК, алдын ала төлесе — 4.6373 АЕК.
- Тіркемесі бар ершікті тартқышты қоса алғанда, 15 тоннадан көп жүк көтеретін көлік: кейін төлесе — 6.7846 АЕК, алдын ала төлесе — 5.7741 АЕК.
Бір реттік төлемнен бөлек, осы трассамен жиі жүретін жергілікті автобус пен жүк көліктері айлық абонемент алса болады, оның бағасы — автомобильдің жүк көтергіштігі мен орын санына қарай
Жолға жақын елді мекендерде тұратын жүргізуші жылдық абонемент ала алады. Бағасы жеңіл автомобиль үшін — 1 АЕК, ал автобус пен жүк көлігі үшін — 20–100 АЕК.
2026 жылы 1 АЕК 4325 теңгеге тең.
Комментариев: 0