Қайғылы оқиға 17 тамыз сағат 22:00 шамасында Алматы — Өскемен тас жолының 46-шақырымында болды. Kolesa.kz тілшісіне Алматы облысы ПД хабарлағандай, алдын ала мәлімет бойынша солтүстік бағытта кетіп бара жатқан Toyota Camry-дің сол жақ алдыңғы дөңгелегі кенеттен жарылып, жол шетіндегі қоршауға соғылған. 90 градусқа бұрылып кеткен Camry-ге сол кезде бағыттас Hyundai Accent соғылады.
«Тойота» жүргізушісі мен көліктегі жолаушылардың бірі оқиға орнында көз жұмды. Ауыр жараланған тағы бір адам Өтеген батыр ауылындағы орталық ауруханаға жеткізілді.
Жол апатына қатысты Қылмыстық кодекстің 345-бабы бойынша (жүргізушінің көлік құралдарын басқару қағидасын бұзып, абайсызда адам өліміне себепкер болуы) қылмыстық іс қозғалды. Тиісті сараптама тағайындалды.
Комментариев: 0