Апат бүгін таңғы уақытта автобанның 20-шақырымында болды. Kolesa.kz тілшісіне Алматы облыстық полиция департаментінің баспасөз қызметінің мамандары хабарлағандай, жол апатына түскен автокөліктердің барлығы батыс бағытқа қарай қозғалыпты. Тас жолдың осы бөлігінде түнде қар аралас жаңбыр жауған екен. Бетон жабын қатып қалған, ал таңертең түскен тұман жол апатына әкеп соққан.
Қазіргі таңда оқиға орнында дәрігерлер мен тәртіп сақшылары жұмыс атқаруда. Kolesa.kz оқиғаның жәй-жапсарын өз бақылауында ұстайды.
10.01.2019 ж. сағат 10:45-те толықтырылды:
Соңғы мәліметтерге сай, ірі жол апатына жалпы саны 31 автокөлік қатысқан. Іле ауданына қарасты медициналық мекемелерге түрлі жарақат алған бес адам жеткізілді.
Комментариев: 0