Porsche биылға арналған қаржы болжамын жариялады. Құжатта маржа, табыс көрсеткіштерімен бірге шамамен 800 миллион еуро қосымша шығын көрсетілген. Бұл қаражат компанияның бұрын бас тартпақ болған дәстүрлі моторы бар жаңа модельдерін жобалауға жұмсалады.
Porsche толық электрлі топтама жасау идеясынан түбегейлі бас тартқанға ұқсайды. Іштен жанатын қозғалтқышы бар автомобильдер компанияның қаржылық жағдайын нығайтуға тиіс, сол себепті бренд табыс азаятынына қарамастан, шығынға дайын.
Алдын ала мәлімет бойынша компания Cayenne кроссоверін жаңартуды жоспарлап отыр. Модельдің электрлі нұсқасы сынақтан өтіп жатыр, бұған дейін сұйық отын тұтынатын көлік электрокар шыққаннан кейін өндірістен алынады деп болжанған. Бірақ Porsche екі модификацияны да қатар сату туралы шешім қабылдады. Panamera топтамасын да осындай жағдай күтіп тұр. Электрлі Macan саудаға шықты, бірақ компания басшылары күткендей үлкен сұранысқа ие болмады. Сондықтан бензинді және гибрид кроссоверлер тізімде қала береді, алайда оларды Еуропаның қазіргі талаптарына бейімдеу қымбатқа түседі.
Әртүрлі мотор гаммасы бар модельдердің қатарында 718 топтамасы мен K1 индексті кроссовер бар. Бастапқыда олар тек электрокар болуы керек еді, бірақ премиум сегменттегі батареялы көліктер нарығының жағдайына байланысты олай болмауы мүмкін.
Біраз уақыт бұрын Porsche жаңа электрокарлар әзірлеу барысында техникалық қиындықтарға тап болған. Бұл қосымша шығындардың артуына және жаңа модельдердің нарыққа шығу мерзіміне әсер етеді.
Комментариев: 0