До 10 лет тюрьмы грозит пьяному водителю, чуть не задавившему полицейского

Полицейді қағып кеткен мас жүргізуші 10 жылға дейін қамалуы мүмкін

Солтүстік Қазақстан облысының полицейлеріне ереже бұзған азаматты көліктен күшпен шығаруға тура келді.

Петропавл көшелерінің бірінде Mercedes Benz көлігін тізгіндеген жүргізушінің ерсі әрекеті тәртіп сақшыларының назарын аударған, — деп хабарлайды СҚО ПД-нің баспасөз қызметі. Ол полицейлердің тоқта деген бұйрығын пысқырмапты. Артынан қуған патрульдік полиция жол жиегіне қысқанның өзінде, әлгі жігіт көліктен шығудан бас тартыпты. Онымен қоймай, оқиға орнынан қашпақ болып, алдында тұрған тәртіп сақшысын қағып кетті. Тәртіп сақшылары көліктің әйнегін шағып, ішімдікке тойып алған жүргізушіні әзер дегенде шығарды.

Кейін белгілі болғандай, ереже бұзған адам бұрында жүргізу құқығынан айырылған Петропавл тұрғыны екен. Жүргізілген сараптама оның орташа деңгейде мас болғанын анықтады. Енді көлікті мас күйінде тізгіндегені үшін жүргізу құқығынан айырылып қана қоймай, ҚР ҚК-нің 380-бабы (Билік өкiлiне қатысты күш қолдану) бойынша жауапқа тартылады. Ол он жылға дейін сотталуы мүмкін.