Pininfarina ұсынған бірегей Porsche 911

Hemmings аукцион үйі 1969 жылғы Porsche 911-ді сатады. Автомобильдің тек жалғыз экземпляры бар, оны Porsche мен Pininfarina эксперимент үшін жасаған екен. Купенің бағасы — 1.25 миллион доллар (650 млн теңгеге жуық).

Porsche-нің толыққанды екінші қатары бар модельдері шыққанына көп бола қойған жоқ. Дегенмен компания алғашқы көліктерін жасай сала осы сегментті назарға алған. B17 индексті прототип платформаны өзгерту мүмкіндігін зерттеу мақсатында жасалды. Өндіруші спорткардың дизайны, басқарылуы және динамикасына еш нұқсан келтірмей, төрт адамға шақтауға бола ма, білгісі келді.

Зерттеу жұмысын Pininfarina дизайн үйіне тапсырған. Инженерлер машинаның дөңгелек базасын бірден 190 мм ұлғайтып, шанағын ауыстырды.

Мамандар салонға үлкен диван қоя алмаған, бірақ ұзарғаны техникалық сипаттамасына кері әсер етті. Автомобиль салмақ қосып, қарқыны кеміді. Нәтижесінде Porsche көлікті конвейерге қоюдан бас тартты.

Біз сөз етіп отырған прототип әу баста қою көк түсті болған, қазіргі түске иесі бояпты. 1974 жылдан бері автомобиль Швецияда тұрған. Осы уақытқа дейін 61 мың км жүрген 911 B17 жақсы сақталған.