Pininfarina винтажды Morgan Plus Six жасады

Марка италиялық Pininfarina дизайнерлерімен бірге Morgan Midsummer моделін құрастырды. Зауыттық Plus Six-ке негізделген машина алдыңғы әйнегі жоқ жаңа шанағымен, толықтай ағаштан жасалған ерекше салонымен ерекшеленеді. Көліктің бағасы әлі белгісіз, бірақ қымбат болатыны анық, өйткені эксклюзив баркеттаны шеберлер қолдан жасаған.

1 / 10

• 
• 
• 
• 
• 
• 
• 
• 
• 
• 

1 / 10

Мамандар Morgan Plus Six стилистикасын сақтағанмен, спорткардың сырт бейнесіне футуристік ерекшелік қосты: қанатында шағын гран бар, радиатор торы өзгеріп, «құйрығы» ұзарды, оптикасы заманауи болды. Сондай-ақ Midsummer хромды бастырық және 19 дюймдік дөңгелек дискісімен ерекшеленеді. Әр дөңгелек стандарт нұсқадан 3 келі жеңіл.

1 / 5

• 
• 
• 
• 
• 

1 / 5

Жаңа шанақ панелін әзірлеуге шамамен 250, салонын сәндеуге 30 адам-сағат қажет. Интерьер тик ағашының жүзден аса жұқа қабатынан жасалған. Мұндай әрлеу өте берік болады. Midsummer-дің жаңа аспаптары мен алдыңғы панельдегі металл жапсырма көзге түседі.

Күштік құрылымындағы өзгеріс туралы ақпарат жоқ. Соған қарағанда Midsummer Plus Six-тің агрегатын сақтап қалатын сияқты. Ол — 8 сатылы автоматпен жұптасатын 335 ат күшіне ие BMW-ның алты цилиндрлі моторы. Midsummer бағасы 200 мың фунт (111 млн теңге) болады деген ақпарат бар, бірақ тапсырыс берушінің қалауына байланысты өзгеруі мүмкін.