Павлодарға Беларусьтен төрт жаңа трамвай келді. Inform.kz хабарлағандай, сәуірдің аяғына дейін тағы алтауы қосылады. Қазір Павлодарда 11 трамвай бағыты жұмыс істейді, күн сайын 83 трамвай жолға шығып, қала орталығындағы тұрғындарға қызмет көрсетіп қана қоймай, халықты кәсіпорындарға тасымалдайды. Жыл сайын сапар саны 15 миллионға жетеді.
Павлодарда нақты қандай техника жүргені белгісіз, бірақ суретінен «Белкоммунмаш» зауытында жасалған БКМ Т811 екені байқалады.
Трамвайлардың ұзындығы — 16.5 м.
Жолаушы сыйымдылығы — 156 адам (оның ішінде 36 отыратын орын).
Максимал салмағы — 33 430 кг.
Электрлі қозғалтқыштардың қуаты — 288 кВт.
Литий-ионды аккумулятормен жүріс қоры — 60 км/сағ жылдамдықта 20 шақырым.
Қала билігі бұл модельдің басты ерекшеліктерінің бірі автономды жүру деді. Осы вагондарды сатып алуға электр қуатынсыз жүрe алуы басты себеп болыпты.
Қазақстанда трамвайлар тек Павлодар, Өскемен және Теміртауда қалды. Алматыдағы трамвай депосы 2015 жылы жабылған.
Комментариев: 0