Ресейлік блогерлер Лера мен Вова Instagram парақшасында полициямен болған жағдайды баяндады. Олар ескі «жигулимен» дүние жүзін аралап жүр. Лераның айтуынша олар Қазақстанға келмес бұрын түрлі ақпарат оқып, полиция жиі алдайтынын ескеріп, көлікті, құжаттарын мұқият дайындаған.
«Бүгін бізді тоқтатты, бұған дейін достарымызды тоқтатқан еді. Патруль олардан түтікке үрлеуін сұрады, мін таба алмады. Кейін ешқандай алкоголь болмағанына қарамастан, 0.17 промилле көрсетіп тұр деді. Сөйтіп бірден жүргізуші куәлігінен айыру мәселесі көтерілді. Артынша ақша туралы әңгіме шықты — бір жарым миллион теңге! … Содан соң бізді тоқтатты», — деп шағымданды блогер.
Кейін Лераның күйеуінің көлігін тоқтатқанда полицейлер оның құжаттарын алып үлгерген, дегенмен айып тағып үлгермей қалды. Туристер камераларын қосып, бәрін түсіре бастады. Патруль туристерді босатқан.
«Қазақстан расымен керемет ел, бірақ бөтен елде өзіңді ақша қапшығындай сезіну жағымсыз», — деп түйіндеді блогерлер.
Туристер оқиға болған жерді нақты айтпады. Олардың алдыңғы барған елі Моңғолия еді, ал келесі жазбада Лера мен Вова
Ішкі істер министрлігі блогерлер сипаттаған оқиға бойынша тексеріс басталғанын мәлімдеді.
Өкінішке қарай бұл жалғыз жағдай емес. Мысалы, биыл көктемде Беларусь елінің туристері осындай оқиға жайлы хабарлаған. Полиция оларды Түркістан облысында, Самара — Шымкент трассасында жол ережесін бұзды деп тоқтатқан. Қай ереже екенін нақты айтпаған. Кейін полицейлер оларда Қазақстанның техникалық байқау құжаты жоқ деп, бәрін шешіп беру үшін 200 мың теңге талап еткен.
Туристер ақша берген, бірақ болған жайтты әлеуметтік желіде жазды. Бұл оқиға бойынша да ІІМ тексеріс жүргізіп, нәтижесінде ІІМ
3 наурызда Алматыда, Рысқұлов пен Фонвизин көшелерінің қиылысында жол полицейлері жалға алынған көлікпен жүрген Гонконг туристін тоқтатқан. Олар туристтің демі 0.09 промилле көрсетіп тұр деп, бірден 3 мың доллар талап еткен. Турист соңғы рет 1 наурызда ішімдік ішкенін және айыққанын айтқан. Полицейлер Қазақстанда көлік жүргізу үшін 72 күн күту керек деп өтірік жауап берген. Мұндай сома болмаған соң, олар 400 долларға келісіп, болған жайды ешкімге айтпауды талап еткен.
Осы оқиғаға байланысты Алматы қалалық полиция департаменті де тексеріс бастаған, нәтижесі белгісіз.
Kolesa.kz редакциясы полицейлердің заңсыз әрекетіне «102» мобильді қосымшасы немесе eGov mobile жүйесіндегі «Заң және тәртіп» сервисі арқылы шағымдануға болатынын еске салады.
Мұндай жағдайлармен ішкі туризмді дамыту былай тұрсын, шетелдік туристерді де тарту мүмкін емес.
Комментариев: 0