Жизақтағы жаңа BYD Uzbekistan Factory зауыты екі гибрид — BYD Chazor седаны мен BYD Song Plus Champion кроссоверін CKD әдісімен құрастыра бастады. Өндіріс алғаш басталған кезде кәсіпорында жылына 50 мың машина шығады, ал модельдік топтама толыққан соң өндіріс көлемі жарты миллионға жетеді.
Қазір Жизақтағы өндіріс шанақ бояу, дәнекерлеу және қалыптауды қамтиды, бірақ жинақтардың көбі Қытайдан келеді деп жазды Автострада.uz. Басылым BYD-дің Өзбекстанда жасалғаны бағаға еш әсер етпегенін хабарлады.
Зауыт іске қосылған кезде Өзбекстан президенті Шавкат Мирзиеев локализация деңгейін жақсартуды талап еткен. Елде ең алдымен бампер, әйнек, пластик элемент, ал кейін аккумулятор, электромотор, алюминий бөлшектер, шина және орындық жасалады.
Өзбекстанда BYD орыс тілді мультимедиа жүйесімен жабдықталған. Бұл олардың Қазақстан және Ресей нарығына шығатынын білдірсе керек.
Комментариев: 0