Avtoelon.uz сайтынан 2013 жылы жарық көрген W222-ге қатты ұқсайтын, бірақ одан бұрын шыққан көптеген Mercedes-Benz S-Class көруге болады.
Көз жүгірткенде ескі көлікті жаңасымен шатастырып алу қиын емес. Оптикасы мен радиатор торы да соған ұқсас. Алайда жақсылап қарасаңыз, кілтипан барын бірден аңғарасыз. Сыртына ілінетін дүниелерді ауыстыру қиындық туғызбайды, бірақ шанақ құрылымын өзгерту оңай емес. Ал салонды әрлеуге ешкім бас ауыртпайды.
Өзбекстанда W222 индексті S-Class оның алдыңғы буыны боп саналатын W221-ден ғана емес, ескілеу W220-дан да жасалады. Бұл седан нарыққа 1998 жылы шыққан.
Шамасы бұл гибридтер күнделікті қолдану үшін емес, салтанатты шараларға қатысу үшін жасалатын болса керек. Себебі W222-ден құралған кортеж алдыңғы буынғы модельдер тобынан әлдеқайда салиқалы көрінеді.
Айта кетерлігі, өңі өзгерген S-Class кейбір жаңа көліктерден қымбат тұрады. Мысалы, 210 мың шақырым жол жүрген 2006 жылғы S350-ді көрші елде 26 мың долларға сатып алуға болады, ал «жаңартылған» 2005 жылғы седанның бағасы 38 мыңнан асады.
Комментариев: 0