1975 жылы құрылған Overfinch шеберханасы
Әзірге техникалық сипаттамасы белгісіз, тіпті алдын ала суреттері жоқ. Overfinch жобаны тек 2026 жылы көрсетпекші. Ол 1970–1994 жылдары шыққан бірінші буындағы Range Rover негізделуі ықтимал.
Шеберхананың Heritage бөлімшесі раритет көліктердің жаңа үлгісін ұсынады. Мұндай жобалардың құны жүздеген мың фунтқа жетеді. Мысалы, Range Rover Field Edition 349 990 фунт (258 млн теңге) тұрады. Мамандар оның шанағын толық қалпына келтіріп, интерьерін жаңартқан. Ол 6.2 литрлік V8 қозғалтқышымен жүреді. Салонында сигара үшін арнайы әзірленген хьюмидор, аңшы мылтығы, сусын және керек-жарақ сақталатын ағаштан жасалған жәшік бар.
Тюнерлер уәде еткен жаңа Range Rover аңшылықпен байланысты болады деген болжам бар, себебі Overfinch бұған дейін керек-жарақ шығаратын Holland & Holland компаниясымен бірлесіп жоба бастады. Ателье әлемдегі ең қымбат Range Rover шығармаса да, бұл экземпляр өз жобалары ішіндегі ең бағалысы болады. Оның құны 400 мың фунттан (300 млн теңге) асады.
Комментариев: 0