Осы демалыста қандай автожарыстар өтеді?

Алдағы демалыс күндері тұрғындар Алматы маңында бірнеше спорттық іс-шараға қатыса алады.

12 сәуірде Sokol спорттық-техникалық кешенінде ашық трек күні өтеді, онда кез келген адам кешеннің 4.5 км айналма жолымен жүре алады. Қатысушыға 15 минут уақыт беріледі. Трассаға бір уақытта 10-нан көп автомобиль шығуға болмайды. Іс-шара 5 сағатқа жалғасады.

Қатысу үшін ФАМС сертификаты қажет емес, бірақ машина техникалық талапқа сай болуы керек. Атап айтқанда, техникалық сұйықтығы ақпайтын, тежеуіш жүйесі жақсы жұмыс істейтін, өрт сөндіру құрылғысы бар көлік қана іс-шараға қатыса алады.

Қатысу құны — 30 000 теңге. Алдын ала тіркелу қажет. Толық ережемен мына сілтеме арқылы танысуға болады. Жарыс 11:00-де басталады.

Sokol Time Attack, 13 сәуір

Жексенбі күні Sokol-дың негізгі трассасында Сокол Time Attack-тың бірінші кезеңі өтеді. Шабандоздар SC2000 санатынан (түрленген Honda Civic, Mazda MX-5 және Subaru BRZ) жылдам GT PRO санатына (Porsche 911-дің GT3, GT3 RS, Turbo нұсқалары және тайм-аттакқа арналған болидтер) дейінгі бірнеше класқа бөлінеді.

Sokol Time Attack 12:00-де басталады.

Кіру ақылы. Трибунаға арналған стандарт билеттің бағасы 5 000 теңге, ал сынға түсетін машиналар тұрған аумаққа кіру 20 000 теңге тұрады.

Мотокростан Алматы облысы кубогы, 13 сәуір

13 сәуірде Құлжа тас жолының бойындағы Қайрат шағын ауданында орналасқан тректе мотокростан облыс кубогының екінші кезеңі өтеді. Сайыс сегіз класқа: 50 кубтық мотоцикл мінген балалар санатынан бастап, 500 кубқа дейінгі кез келген кросс техника өнер көрсететін ашық санатқа дейін бөлінген. Қыздар мен қытайлық техника иелеріне арналған бөлек категория бар.

Жарыс 11:00-де басталады. Кіру тегін.

Қайрат ықшамауданындағы трассаның схемасы