Бейсенбі, 31 шілдеде Қапшағай жағасында орналасқан ASP Clup аумағында Central Asia Drift Show (CADS) бәйгесінің соңғы кезеңі басталады. Бірінші күннің бағдарламасы шабандоздарға арналған, сағат 11:00-ден 14:00-ге дейін және 15:00-ден 21:00-ге дейін жаттығу сессиясы өтеді. Оны жанкүйерлер тамашалай алады, бірақ алаңға кіру ақылы, билет алу керек.
Жұма күні сағат 10:30-дан 12:30-ға дейін тағы бір жаттығу болады. Ал 14:00-ден 18:00-ге дейін пилоттар топ-32 кезеңінде жұптасып жарысады. Одан кейін қонақтар Qamysh рестобарында «Невзрослей» тобының концертін тамашалайды.
Жарыстың негізгі бөлігі сенбі, 2 тамызға жоспарланған. Сағат 11:30-дан 13:00-ге дейін шабандоздар шеруге шығады, онда көрермендер спортшылардан қолтаңба алып, қытайлар Mercedes-Benz SLS негізінде құрастырған өте сирек кездесетін дрифт болидін көреді. Ал 13:30-да топ-16 бәйгесі басталады. Жұптық жарыс 20:00-да аяқталады, спортшылар стант-райдер және Gorilla Action Show шоуы үшін ортада аздап үзіліс жасайды.
Қонақтар арасында бізге бұрыннан таныс пилоттар бар. Атап айтқанда, Си Хён Пак (Сеул), Адам Залески (Польша), Эммануэль Амандио (Индонезия), Владислав Шубадёров (Беларусь) және Тэцуя Хибино мен Масато Кавабатаны (Жапония), сондай-ақ Қытайдан келген бірнеше жаңа шабандозды көре аламыз. Олар 2-сериялы BMW-мен өнер көрсетеді, жоғарыда біз атаған SLS жергілікті ережеге байланысты жарысқа емес, көрмеге ғана қатысады.
Төрешілер алқасы да белгілі. Мақсат Қайымов пен Робби Нишидаға бұл жолы ресейлік дрифт шебері Георгий Чивчян қосылады.
Билетті мына сілтеме арқылы ресми сайттан сатып аласыз. Бағасы 15 мың теңгеден басталады.
Комментариев: 0