ҚР ТЖМ Қазақстан аумағында 2022-2024 жылдары өрт қауіпсіздігін қамтамасыз ету бойынша жол картасын әзірлеп жатыр. Құжатта 2024 жылдың желтоқсанына дейін өрт қауіпсіздігін сақтамағандарға салынатын айыппұл мөлшерін ұлғайту мәселесі көтерілді. Дәл қай ереже өзгеретіні белгісіз, бірақ көлікке қатысты болуы әбден мүмкін.
Еске салайық, өрт қауіпсіздігі ережесі газбен жүретін көліктерді жерасты тұраққа қоюға, қозғалтқышты ашық отпен қыздыруға тыйым салады. Қазір мұны елемегендерге Әкімшілік кодекстің 589-бабына сәйкес 5 АЕК, ал бір жыл ішінде қайталаса, 10 АЕК айыппұл салынады. ТЖМ берген мәліметке сүйенсек, жыл сайын Қазақстанда 2000-нан аса машина отқа оранады, өткен жылы 2216 өрт оқиғасы тіркелді. Одан келген шығын мөлшері 618 млн — теңге. Көбіне жеңіл көліктер өртенеді екен.
Министрлік бұған электр құрылғылары мен газ баллонды қолдан орнатып, мотор тұратын бөлікті сәйкес келмейтін материалмен жылылау, отты дұрыс пайдаланбау, отын жүйесіндегі ақау және т. б. себеп болады деп санайды.
Комментариев: 0