Omoda C7 Қазақстанда қанша тұрады

Былтыр сәуірдің аяғында жарық көрген Omoda C7 елдегі автосалондарға келеді. Бренд автомобильдің бағасы мен комплектациясын жариялады.

1 / 10

• 
• 
• 
• 
• 
• 
• 
• 
• 
• 

1 / 10

Ұзындығы 4660 мм, дөңгелек базасы 2720 мм болатын бұл көлік тек 150 ат күшіне ие 1.6 литрлік турбомотормен және 7 сатылы DCT роботымен сатылады. Мысалы, Ресейде C7-нің толық жетекті нұсқасы бар, Қытайда мұндай модель гибрид күштік құрылыммен жабдықталған.

Omoda C7-нің үш жиынтығы болады. Ең қарапайым нұсқасы 15 млн теңге (арнайы ұсыныс пен жеңілдікті есептемегенде) тұрады. Жеңілдікпен 2 млн теңгеге арзандауы мүмкін.

Базалық C7 алдыңғы және бүйірлік қауіпсіздік жастығы, артқы көрініс камерасы бар қарапайым жүргізуші ассистенттерінің кешені, артқы парктроник, жарық пен жаңбыр сезгектерін алды. Жабдықтар тізіміне кілтсіз ашу жүйесі, круиз-бақылау, екі аймақты климат-бақылау, рөл, айна, алдыңғы әйнек пен әйнек жуғыш бүріккішін жылытқыш, алдыңғы орындықтарды жылытқыш, электрлі жетегі бар жүксалғыш есігі, 8.9 дюймдік цифрлы аспаптар панелі және алты динамиктен тұратын 15.6 дюймдік мультимедиа экраны кіреді. Салоны былғарымен қаптаплған, рөл мен орындықтар қолмен реттеледі.

1 / 6

• 
• 
• 
• 
• 
• 

1 / 6

Орташа Premium-де 19 дюймдік дискілер, панорамалы люк, жад функциясы бар және электрлі бүктелетін айна, сондай-ақ бейімді круиз-бақылау, айнала шолу камера, автоматты тежегіш, жолақта ұстау, жолақ пен көрінбейтін аймақты бақылау сияқты жүргізуші көмекшілерінің кеңейген жинағы бар. Сонымен қатар қауіпсіздік пердесі, қосымша эйрбэг, проекциялы дисплей, екінші қатарда жылытқышы, алдында желдеткіші бар орындықтар, электр көмегімен реттелетін жүргізуші мен алдыңғы жолаушы орындықтары, сымсыз қуаттағыш, сегіз динамик және медиакешеннің жақсарған бағдарламалық жасақтамасы қарастырылған. Бағасы — 16.5 миллион теңге.

Қымбат Premium Plus 200 мың теңгеге қымбат (16.7 млн теңге) және ишара мен дауыс арқылы басқарылатын медиажүйе экранымен ерекшеленеді. Оны панельдің оң жағына жылжытуға болады.