Қазірдің өзінде Норвегия автонарығында басты орынды экологиялық көліктер иеленіп отыр. Биыл онда ең көп сатылған 15 көліктің ішінде ІЖҚ қойылған машина жоқ (14-і электромобиль, біреуі гибрид). Ең өтімді бензинді модель — Volkswagen Tiguan, оның өзі 38-орында тұр. Бұл туралы Drivetribe басылымы хабарлады.
2017 жылы қаңтарда электромобиль сатылымы елдегі автонарықтың жартысын құраған, ал қазір тұрғындардың басым бөлігі электромобиль тізгіндеп жүр. 2021 жылы қаңтардан тамызға дейін электромобиль мен гибрид жалпы сатылымның 91.34 %-ын қамтыды. Болжам бойынша, 2022 жылы сәуірде отынмен жүретін көліктердің саудасы мүлде тоқтайды. Осылайша бұл мақсат Норвегия билігі жоспарлаған мерзімнен үш жыл бұрын жүзеге асқалы отыр. Бастапқыда 2025 жылы тұтастай электромобильге көшу жоспарланған.
Бірақ Скандинавия елінде электромобильдің жалпыласуы бензинді және дизельді көлік жанкүйерлерін алаңдата қоймайды. ОПЕК-тің (МЭЕҰ) ұзақ мерзімді болжамы бойынша, әлемде 2045 жылы да жанармаймен жүретін машина саны басым болады (2.6 миллиард автокөліктің 76 %-ы). ІЖҚ қойылған машиналарға сұраныс артып келе жатқан дамушы елдердің арқасында дәстүрлі көлік әлемдік деңгейдегі басымдығын жоғалтпайды. Оның үстіне бұл елдерде экологиялық талап Еуроодақтағыдай қатаң емес, сол үшін дәстүрлі көлктерді өндіру мен сатуға көп кедергі жоқ.
Комментариев: 0