«Нива» Suzuki Jimny-мен бәсекеге түседі

Дубайдағы Lada автосалоны классикалық ВАЗ-2121-ге (Niva Legend) тапсырыс қабылдап жатыр. «Автопоток» телеграм-арнасы 2025 жылғы автомобиль 64 мың дирхам (9 млн теңге) тұратынын хабарлады.

АВТОВАЗ ардагері Парсы шығанағы нарығындағы ең қолжетімді жол талғамайтын көлік атанды. Осы кластағы автомобильдер арасында бағасы бойынша оған ең жақыны — Suzuki Jimny (101 ат күшіне ие 1.5 литрлік мотормен жүреді). Оның құны 75 мың дирхамнан басталады. Бұл ақшаға жапон моделінің үш есікті, механика қорабы бар нұсқасын алуға болады, ал автомат қорабы бар бес есікті машина бұдан қымбат тұрады.

Lada Дубай нарығына кездейсоқ шығып отырған жоқ. АВТОВАЗ Әмірлікті аймақтағы бренд имиджін нығайтып, жаңа серіктес табуға көмектесетін ірі платформа әрі транспорт және іскерлік хаб деп санайды.

Қазақстанда классикалық «Ниваны» 7–7.4 млн теңгеге аласыз. Classic және Luxe деп аталатын екі комплектацияның айырмашылығы — кондиционер, жылытуға болатын алдыңғы орындық және темір немесе құйылған дөңгелек дискісі