Nissan жаңа Navara-ны қарашада көрсетеді

Nissan Аустралия мен Жаңа Зеландия нарығына арналған жаңа буындағы Navara пикабының премьерасын 19 қарашаға жоспарлап, тизерін жариялады. Бұл өңір модель үшін стратегиялық аймақ болғандықтан, бейнеролик сол жерге сілтеме жасайды.

1 / 8

• 
• 
• 
• 
• 
• 
• 
• 

1 / 8

1986 жылдан бері Nissan Океанияда 420 мыңнан астам Navara сатқан. Бренд ондаған жыл бойы жинаған клиенттерін жоғалтқысы келмейтіні анық. Соңғы жылдары бұл аймақта бәсеке күшейді, Toyota Hilux, Ford Ranger және Isuzu D-Max тәрізді бұрынғы қарсыластарының қатарына Қытай және Оңтүстік Корея брендтері қосылды.

Тизерден 2026 жылғы Navara жаңа Mitsubishi L200/Triton моделіне ұқсайтынын көруге болады. Дегенмен Nissan өкілдері автомобиль радиатор торының пішіні мен жарықдиодты бөлек фара сияқты фирмалық дизайн элементтерін сақтап қалады деп мәлімдеді.

Nissan-ның қазіргі күрделі жағдайын ескерсек көлік Triton-ның мықты рамалы шассиі, кабина каркасы, жүріс бөлігі және күштік құрылымын алатыны анық. Алғашқы кезеңде Navara 200 ат күшіне ие 2.4 литрлік турбодизельді қозғалтқышпен шығады. Электрлі пикапқа сұраныс артқандықтан, қосылатын гибрид те пайда болады. Бұрынғыдай бір және қосарлы кабинасы бар нұсқасы сатылады.

Стандарт Navara-дан бөлек, Nissan жолсыз жерде жүретін Pro-4X Warrior түрленімін ұсынбақшы. Марка оны Аустралиядағы Premcar компаниясымен бірлесіп әзірлеген. Оның тұсаукесері премьера кезінде өтеді. Болашақта спорттық Nismo модификациясы да жарық көруі ықтимал.

Navara басқа нарықтағы клиенттерге жетпеуі мүмкін. Мысалы, Латын Америкасында 2014 жылғы D24 шанағындағы машина сатыла береді