Nissan тағы 10 мың қызметкерін жұмыстан шығарады

Nissan тағы 10 мың қызметкерін жұмыстан шығарады

Фирманың шығыны күн санап артып барады.

Nissan тығырықтан шығу үшін қиын шешім қабылдауға мәжбүр. NHK телеарнасы таратқан ақпаратқа сүйенсек, автоөндіруші жақында штатты қысқартатынын хабарлайды. Бұл жолы 10 мың адам жұмыссыз қалатын сияқты.

Былтыр күзде бренд әлем бойынша 9 мың маманды қызметінен босату жоспарын жария еткен. Осы жолы жұмысынан айырылған маман саны 20 мыңға жуықтайды. Компания осылайша шығынды азайтамыз деп үміттенеді. Бірақ бұл үлкен стратегияның бір бөлігі ғана. Nissan Жапонияда аккумулятор шығаратын зауыт салу ойынан бас тартып, Таиландтағы үш кәсіпорнын жабады.

Компания жуырда бір жылдағы қызметін қорытындылап, есеп беруге тиіс. Кейбір сарапшы өндірушінің шығыны 5 миллиард доллардан асып кетуі ықтимал деп болжады.

Honda-мен келісімге келе алмай, бас директор Макото Учида креслосын босатқанына қарамастан, Nissan топтамасын жаңартуға ниетті. Марка жақында Leaf пен Micra-ның жаңа буыны жарық көреді деп мәлімдеді. Сәуірде күтпеген жерден көмекке келген Renault серіктесінің қаржылық жағдайын жақсарту үшін бірнеше шара қабылдайтынын хабарлаған.

Комментариев: 0

Чтобы оставить комментарий, вам необходимо зарегистрироваться или авторизоваться.